“Kompania sira ne’e dadus hau simu ona,e ne’e la diak fo impaktu tebe-tebes ba dezenvolvimentu,” lamenta Deputadu Cesar Valente de Jesus, (18/02), iha Parlamentu Nasional.
Deputadu ne’e dehan, kuandu hahalok ida ne’e tenke atua, nune’e bainhira implementa ona Kamara Munisipiu labele akontese tan attitude hanesan ne’e.
“Ita bo’ot sira nia monitorizasaun no kontrolu diak mak bele prova katak ita nasionalismu,” tenik Deputadu ne’e.
Kona ba Administrador Sub-distritu ne’ebe, Deputadu ne’e rezeita hodi fo naran ba administrador sub-distritu sira ne’ebe halo hahalok hanesa ne’e.
“Hau la’o iha distritu sira mak hau hare akontese hanesan ne’e,” tenik Deputadu de Jesus.
Entretantu Ministru Admistrasaun Estatal (MAE), Jorge da Conceicao Teme katak, oras ne’e dadauk ministeriu halo hela supervizaun ida ba Administrador Sub-distritu sira.
“Hau bolu sub-administrador distritu ida, hau hirus tebe-tebes tanba nia dehan hau mak manda,ne’e la’os manda maibe ita tenki ser kumpri lei,se ita bo’ot la kumpri lei,ita bo’ot tenke ser hatan ba iha tribunal tanba ne’e problema osan,” dehan Ministru Teme.
Teme hateten,nia bolu administrador ida ba iha ministeriu tanba problema kobransa illegal ne’ebe levanta iha plenaria Parlamentu.
“Ami bolu,ami koalia ho sira,so que dalaruma administrador sub-distritu balun mai kesar iha parlamentu katak,ami ameasa sira,” Ministru tenik.
Ministru Teme dehan, knar Ministeriu Admistrasaun Estatal nian mak atu halo supervisaun ba Administrador distritu no sub-distritu sira hodi hala’o servisu didiak.
“Administrador sub-distritus nebe halo kobransa ilegais relatoriu tama mai ami,ami rekomenda ba investigasaun,se nia sala nia tenke hatan duni,” Ministru Teme dehan.
Ministru Teme dehan,Administrador sub-distritu nia obrigasaun mak sai membru ekipa verifikasaun Avaliasaun no supervizaun ba projeitu sira ne’ebe hala’o iha nivel distritus.
