Tuir Ministru Administrasaun Estatal, Jorge da Conceicao Teme dehan, sei iha posibilidade atu hala’o mos iha distritus sira maibe agora seidauk bele.
“Ita halo lai iha Dili, ita bo’ok sira iha distritu sira iha distritu dehan,imi iha Dili deit mos toba hamutuk ho foer,depois imi bo’ok ami iha distritu,” dehan Ministru Administrasaun Estatal, Jorge da Conceicao Teme, (07/02), iha Parlamentu Nasional.
Iha fatin hanesan Deputadu Pedro da Costa katak, limpeza jeral atu la’o diak presiza kolaborasaun ema hotu nian.
“Iha sidade Dili,distritu no sub-distritus sira ne’e atu hadomi moos, hadomi ambiente ida ne’ebe ke saudavel,” tenik Deputadu da Costa.
Deputadu ne’e mos apela ba komunidade hotu iha teritoriu tomak, liu-liu iha sidade Dili atu mantein ambiente ne’ebe moos, tau foer nia fatin lixu.
“Ita tenki ser komesa husi ita nia uma laran,komesa husi ita nia knua ita nia suku ita nia aldea limpeja ne’e importante atu kria ambiente mos no saudavel ba ita ,”Deputadu da Costa katak.
