“Ba vensimentu salariu montante $400 mil tanba sei halo rekrutamentu funsiunariu foun kuaze nain 22, ba bens de servisu iha $300 mil atu hadia kualidade servisu liu-liu sistema distribuisaun aimoruk no ekipamentu ba fasilidade saude sira,” hateten Diretora Jeral Servisu Autonomo Medikamentus de
Ekipamentus da Saude (SAMES), Doutora Odete Maria Freitas Belo, (18/01), iha Sentru Convensaun Dili.
Iha parte seluk Reprezentante povu iha Parlamentu Nasional, Deputadu Eladio Faculto dehan numeru orsamentu ida ne’e sira (SAMES) mak propoin maibe seidauk halo debate iha Parlamentu. “Atu sufsiente ka la sufsiente ne’e sira mak propoin, importante mak distribuisaun aimoruk no ekipamentus medikus ba iha fasilidade saude labele atraza,” dehan Deputadu Faculto.
Membru Komisaun F ne’ebe trata asuntu Saude, Edukasaun no Igualidade Jeneru ne’e mos husu ba Ministeriu Saude (MS) atu resolve lalais estatuta SAMES nian ne’ebe agora sei polemika hela.
“Presiza hare didiak bainhira aloka orsamentu ho montante bo’ot, tau orsamentu oituan atu hadia melhoramentu estruktura hodi bele distribui aimoruk ba fasilidade saúde hotu, labele rai deit to’o prazu liu sunu hotu deit,” dehan Deputadu Faculto.
