“Ita seidauk iha sentru ida atu hare ba kestaun ida ne’e tanba ne’e ministeriu tau ona iha planu nasional saúde mental, tau osan hodi hadia kondisoens,” dehan Deputada Ilda Maria da Conçeicão, (23/01), iha Parlamentu Nasional.
Entretantu Xefe Departementu Saúde Mental, Teofilo Tilman rekonese katak Ministeriu Saude (MS) seidauk iha fasilidade ne’ebe sufsiente durante ne’e hodi fo atendimentu ba sofrementu saúde mental sira iha rai laran.
“Ami estabelese ona sentru treinamentu ida iha ospital nasional atu fo konseling maibe ba sira ne’ebe grave, ameasa bo’ot ba komunidade ita kopera ho organizasaun St. Jhon de Deus iha Laclubar sira prepara fatin ho kama 12 atu atende sofrementu moras mental tanba ita seidauk iha fatin,” dehan Xefe Departementu Saude Mental ne’e.
Nia dehan, pasiente hirak ne’e sei halo tratamentu durante fulan tolu iha Laclubar e alende ne’e staf sira iha sentru ne’e mos sei fo edukasaun ba familia hodi fo atensaun ba pasiente moras mental bainhira fila ba uma.
Xefe Departementu ne’e hatutan, tuir planu estrategiku ministeriu nian hodi atinji planu Milenium Development Goals (MDG) katak kada Sentru Saúde hotu iha teritorio tomak tenke iha medikus espesialista psikologia ida no ospital referral inklui mos nasional.
