“Kareta foti foer hamutuk 30, ualu husi distritu Dili no restu kontratadu, kareta hirak ne’e loron ida sira rau foer dala tolu deit,” hateten Administrador Distritu Dili, Gaspar Soares, (21/01), via telephone.
Tuir nia, kareta 30 ne’e halo operasaun hahu Segunda to’o Sabadu, Domingo dala rua deit. ”problema mak kuandu loron ida sira raut dala tolu ona, sira hetan foer iha ne’ebe deit mos sira la raut ona tanba dala tolu ona, ” tenik Administrador Distritu Dili ne’e.
Nia dehan, servisu ida ne’e bazeia ba kontratu ne’ebe mak uluk Governu halo ba kareta sira ne’e.“Mais ami iha ona enkontru ida para atu hare to’ok oinsa kareta sira ne’e loron ida bele raut dala neen hanesan ne’e,” Adminisrador Soares katak.
