Deputadu Estanislao da Silva hateten, iha sigunda lejislatura Parlamentu nasional aprova ona rezolusaun ida katak,fulan ida dala tenki kanta Hino Nasional iha Plenaria Parlamentu maibe durante ne’e la lao tanba durante ne’e servisu Parlamentu nian barak tebes, iha ajenda orsamentu ratifikativu,konta jeral do estadu no inkuli aktividade sselu-seluk.
“Maibe hau fiar katak, ida ne’e buat nebe Parlamentu aprova,parlamentu sei halo tuir I hau hein katak,meja Parlamentu(Prejidenti Parlamentu) ho nia ekipa sei esiji para ida ne’e hananu para hotu-hotu hatene Hino,hakarak valorija sakrifisiu nebe ke hotu-hotu fo,”da Silva dehan.
Musika Hino nasional ne’e simbolu nasional ida,hanesan ita nia bandeira,ita nia eskudu.
“Hakarak mos hateten katak,foin lalais ne’e ita nia deputadu ida iha parlamentu ne’e iha plenaria foti falin asuntu ida ne’e,meja hatan tiha ona katak,depois sei hare buat ne’e atu implementa ho lolos para labele haluha,fula-fulan bele kanta Hino nasional,”da Silva hato’o.
Iha sorin seluk Deputadu bankada CNRT,Pedro da Costa sublina tan katak,kanta Hino Nasional iha Parlamentu,Parlamentu hasai ona rejolusaun ida katak,fulan ida kanta Hino Nasional dala ida maibe ninia implementasaun mak ladun lao .
“Meja Parlamentu mak deviaser haluha bebeik,ami husu ba futuru ne’e tenki ser simu fali responsabilidade ida ne’e,”da Costa informa.
Da Costa hateten,rejolusaun kanta Hino Nasional ne’e hasai iha sigunda lejislatura nia tempu tenki kanta Hino nasional no koalia lian Portugues iha Plenaria fulan ida dala ida maibe nia implementasaun mak to’o agora la la lao.
“Iha sigunda lejislatura dala ga dala rua mak koalia maibe tuir fali mai rejolusaun ne’e sidauk implementa ho didiak,”da Costa katak.
Alende ne’e deputadu bankada PD,Virgilio Hornai akresenta katak, nia la apar konaba rejolusaun ida ne’e dehan katak,tenki kanta Hino nasional iha Parlamentu fulan ida dala ida.
“So Hino nasional ne’e naturalmente wainhira iha seremonia-seremonia oficiais estadu nian maki ita halo,”Hornai dehan.
Deputadu bankada PD ne’e dehan,rejolusaun nebe Parlamentu halo la presija kanta Hino nasional iha Parlamentu maibe Parlamentu hamosu ona sira sei fo hanoin malu fila fali.
“Se buat ne’e Parlamentu rasik mak hamosu rejolusaun ida ne’e para halo ida ne’e,prontu ,tanba Parlamentu laos funsionariu be’e sigunda-sigunda tenke ser apelu ita tenki ser kanta Hino nasional,”
Tuir deputadu ne’e katak,tuir lolos Parlamentu nasional la presija kanta Hino nasional iha Parlamentu,so kanta Hino nasional wainhira seremonia ofisial nian.
