“Alerta ba komunidade sira katak hamos uma ninin sira, labele soe foer arbiru tanba bele provoka moras dengue iha bairo laran,” dehan Diretora Nasional Saúde Komunitaria, Isabel Maria Gomes, foin lalais ne’e, iha Kaikoli, Dili.
Tuir nia, iha Dili laran laiha kecuali, bairo hotu sai risku ba moras dengue tanba ne’e presiza ema hotu nia konsiensia atu moris iha ambiente ne’ebe moos.”Ami sei rega fomigasaun bainhira hetan ona kazu,”.
Iha parte seluk Xefe Departementu Banku Urgensia Ospital Nasional Guido Valadares, Americo dos Santos katak to’o oras ne’e dadaun sira seidauk simu kazu dengue maibe labarik lubuk ida mak tama iha emergensia ho moras diarea impaktu mos tempu udan.
“Ami pesoal saúde iha banku urgensia preparadu ona atu fo atendimentu ba moras saida deit inklui mos moras dengue,” dehan Xefe Departementu ne’e.
