“JSMP apresia tebes ho pasu ne’ebé Ministériu Públiku propoin ba atu aplika prizaun preventiva durante ba kondenadu sira durante periódu rekursu atu evita esperiensia hanesan, ne’ebé akontese ba kazu Lavio nian ne’ebé hetan kondenasaun tinan 9 prizaun maibe infelizemente akordaun ne’e la aplika tanba kondenadu halai tiha ba Indonézia”, dehan Luis de Oliveira Sampaio, Diretór Ezekutivu JSMP.
Arguidu Faustino Filipe de Carvalho iha tinan 1999 asumi kargu nu’udar xefi aldeia Ulmera no Komandante Milísia BMP nian, tribunál prova katak arguidu komete krime transferensia ho forsa hasoru populasaun sivíl iha Suco Ulmera ba Timór Osidental, Indonézia, no detensaun ilegal feto no kriansa iha Ulmera Relasiona ho kazu ne’e tribunál kondena arguidu ho pena prizaun tinan 6.
Arguidu Miguel Soares (elementu ativu milísia iha Besiten) hetan pena tinan 9 tanba provadu katak arguidu involve iha krime omísidiu kontra vítima Fransisco Brás. Entertantu, arguidu Salvador de Jesus (komandante BMP Kasait) hetan pena prizaun tinan 16, tanba arguidu provadu komete krime omísidiu hasoru vítima Felix Barreto no Francisco Brás.
Prosesu leitura sentensa dirije husi Dra. Ana Paula Fonseca, Dr. António Gomes, no Dr. António Quantes. Ministériu Públiku reprezenta husi Dr. Jóse Landim) no defeza akompaña husi Dr. Jóse da Silva husi Eskritóriu Defensória Públiku.
Iha lidun seluk Deputadu Duarte Nunes hateten, wainhira tama ona iha rai ida ne’e tenke hakruk ba lei nebe maka iha, ne’e nudar responsabilidade idak-idak.
“ita nia ema nebe maka mai iha ne’e, sira senti salah e sira barani tuir duni sistema justisa nebe maka ita timor iha ona” dehan deputadu Duarte Nunes, iha PN, foin lalais ne’e.
Tuir nia, konaba pena nebe maka juis fo ba sira ne’e tuir duni salah nebe maka sira halo iha tempu neba, tanba wainhira juis fo ona desizaun ne’e hare ona husi parte barak.
