“Tuir Kódigu Prosesu Penál artigu 260 relasiona ho Ministériu Públiku nomos Defensor Públiku ne’ebé kaer kazu la marka prezensa bele substitui no defensór tenki hatama pessoa idônea maibé iha kazu balun inklui kazu ida ne’e la bele kontinua prosesu leitura sentensa tanba deit situasaun sira iha leten, ,” dehan Luis de Oliveira Sampaio, Diretór Ezekutivu JSMP.
Tuir akuzasaun Ministériu Públiku nian, haktuir katak iha tinan 2007, arguidu na’in 3 ne’ebé servisu iha Ministériu Edukasaun Distritu Ermera, hamutuk halo falsifikasaun ba iha diploma iha Sekundaria Eskola Koni Santana Distritu Ermera atu fornese ba arguida DSdS (membru PNTL), mesmu arguida DSdS nunka tur iha banku eskola refere.
Bazeia ba akuzasaun ne’ebé Ministériu Públiku ninian deklara katak diploma ne’ebé arguida uza ho númeru 191 ne’e hola parte ba vítima ho inisiál CdCdA ninian, tanba ne’e to’o agora vítima CdCdA la hetan diploma originál mesmu akaba ona Eskola Sekundáriu iha tinan 2007.
Prosesu adiamentu deriji husi Dr. Antonino Gonçalves, no parte Ministériu Públiku reprezenta husi Dr. Matias Soares (stajio) no defeza akumpaña husi pessoa idônea, Duarte Santos (ofisiais Justisa husi Tribunál Distritál Dili).
Leitura sentensa sei hala’ó fila fali iha loron 14 Dezembru 2012, tuku 16.00.
Entretantu deputadu Virgilio Hornai hateten katak, falsifikasaun dokumentus ne’e nudar krimi ida ne’e duni persija toma medidas hodi lori ba tribunal hodi tuir prosesu lei krimi nebe maka iha ona.
“ne’e persija juis tenke julg buat ida falsifikasaun dokumentus ne’e krimi, no ne’e lei iha tiaona, nebe kolquer tipu falsifikasaun ne’e krimi, hau hanoin ema hotu – hotu hatene katak nia konsekuensa maka hetan pena” dehan dehan deputadu Virgilio Hornai, iha PN, foin lalais ne’e
Nia mos hatutan katak, iha prosesu infestigasaun tenke detailo atu nune’e ema nebe maka fasilita ne’e mos tenke kona hotu, tanba imposible kuandu tur-tur hetan sertifikadu ne’e kuandu ema ida la fasilita.
“ne’e parte rua ne’e tenke hetan hotu, no ita nia prosesu infestigasaun ne’e tenke detaliu, tanba imposible nia atu hetan deit nia diploma sen ema ruma fasilita, ne’e validu mos ba ema nebe maka halo ne’e” dehan nia.
