“Ita la loke eskola sentral ida ne’ebe kombinasaun eskola hotu-hotu iha ne’e, e alende ne’e ita mos la halo fasilidades ba profesor sira,entaun profesor sira la’o distansia do’ok ba eskola no estudante sira mos la’o distansia do’ok mak ba eskola,” dehan ASPBAE’s Mentor, Joao Saores, R.Pequino,foin lalais, iha Canossa Becora, Dili.
Tuir nia, Governu mak tenke estabelese estandar atu nune’e eskola hotu-hotu kumpri,eskola nia naran tenke estandar,”labele eskola nia naran kahur ba mai, dezenhu hanesan, kualidade diak, alunus sira nia fardas tenke estandar, labele hari tuir doador nia hakarak deit,”.
Iha fatin hanesan Deputadu Domingos Carvalho de Araujo hateten, durante ne’e eskola sira seidauk tuir estandar ne’ebe mak iha tanba estudante sira seidauk farad ne’ebe hanesan.
“Ne’e husi Universidade tun to’o primaria,ne’e sira inan aman sira mak suku, lolos ne’e kompetensia governu nian,” tenik Deputadu ne’e.
Tanba ne’e eskola sira presija Governu halo estandarija hotu tanba povu kiak nia oan maioria mak agora dadauk eskola.
“Halo mak ne’e,ministeriu edukasaun tenki hatama sira nia programa ba iha Governu,iha konselho do Ministru para iha fasilidades,kuandu Parlamentu aprova sira nia orsamentu ba fasilidades eskola no kondisaun eskola ninian,”Deputadu Araujo informa.
