“Sim iha parte Klinikal hanesan Centru saúde, Hospital referral sira no Nasional ami kontinua hasae sira nia kuinesementu konaba etika profesionalismu fo atendimentu ne’ebe ho kualidade ba pasiente kestaun importante ne’ebe presiza hare mak tenke hamoris kultura organizasaun ba hanoin diak kordenasaun diak ba malu tanba Timor iha rekursu naturais maibe rekurus humanu tenke hadia hanoin, atetude atu serviu povu ho diak,”dehan Director Executivu INS, Domingos Da Silva, (13/12) iha knar fatin Comoro Dili.
Hare ba nesesidade ne’ebe Ministerio saúde presiza agora dadaun INS mos iha diresaun tolu hanesan diresaun Formasaun ne’ebe nia papel fo kapasitasaun ba pesoal saúde sira no funsionario ministerio saúde inklui mos departamentu tolu hanesan departamentu identifikasaun formasaun ne’ebe MS presiza atu kapasita, departamentu estandarlizasaun no curriculum inklui mos avaliasaun kontinuasaun formasaun, iha mos diresaun Administrasaun, logistika no koperasaun ho ema seluk liu-liu parsierus hanesan UNICEF, UNFPA, WHO atu apoiu formasaun hotu ne’ebe realize.
Nia hatutan katak alende fo formasaun iha area Clinikal hanesan etika prestasaun servisu pesoal saúde nian sira mos fo formasaun konaba Jestaun Managementu ba funsionario Ministerio saúde nian ho sistema Treining of Treiner (TOT) ho objetivu atu hasae kapasitada pesoal saúde no funsionario iha ministerio saúde sira nia kuinesementu hodi fo atendimentu ne’ebe kualidade ba povu iha rai ida ne’e.
Iha parte seluk, Membru Komisaun F ne’ebe trata asuntu Saúde, Edukasaun, iqualidade jeneru, deputado Eladio Faculto hateten katak seitor saúde importante tebes ba povu maibe dala barak ema kestiaona konaba atetude atendimentu tanba ne’e formasaun ne’e importante tebes atu muda mentalidade no hadia kualidade atendimentu publika ba saúde nian iha futuru.
“Hau nia hanoin ba futuru tenke fo fromasaun ne’ebe barak liu tan ba pesoal saúde sira (Medikus, Emfermeirus, Parteira) iha aspeitu oioin tuir karakter Timor nian tanba dala barak ita hasoru ita nia povu sira ne’e tenke ho pasensia no haraik an fo atendimentu ba ita nia povu maske ita iha gelar bo’ot,” nia husu
Nia hatutan katak Pesoal saúde sira iha obrigasaun atu hatudu prestasaun servisu ne’ebe ho kualidade tanba governu kumpri ona sira nia dever atu implementa regime kareira ba pesoal saúde sira.
