“Tenke divulga ba ita nia maluk sira ne’ebe maka hela iha are remotas, e esforsu ne’ebe maka ami iha dirasaun de sidadania e direitus umanu mak halo divulgasaun lei,” hateten Ministru Justisa, Dionizio Babo, foin lalais iha Delta Nova, Dili.
Tanba ne’e husu mos kontribuisaun husi komunidade no sosiadade tomak, presiza iha kolaborasaun,liu-liu Jornalista sira atu hakerek didiak kona ba asuntu ne’e nune’e komunidade sira ne’ebe hela iha area rurais bele hatene.
Entretantu tuir Deputadu Mateus de Jesus, katak presiza duni implementa lei ne’e nune’e komunidade sira ne’ebe hakarak fo nia testamunha sente seguru.
“Hau hanoin lei ne’e diak no importante, tanba iha akontese kazu krimi ruma, ou ema halo korupsaun ruma, no nia hatene hela maibe nia tauk atu hatete sai, tanba sira nia konesementu ba lei ne’e laiha, entaun sira tauk, tanba ne’e maka presiza sosializa ba sira kona ba lei ne’e,” Deputadu ne’e fo apoia.
Deputadu ne’e mos husu ba governu atu bele kria kondisaun ne’ebe maka diak atu nune’e, iha tinan oin mai lei ne’e bele implementa ona, kria orsamentu, kria fasilidade ne’ebe maka sufsiente, hodi nune’e lei ne’e bele la’o.
