“Ami atu hadia situasaun sira hanesan ne’e, ohin ami halo aprosimasaun ho inan sira atu sai belun diak ba ami no ba parteira sira mos ami iha ona planu atu halo reflesaun ida ba sira konba kode etiku profesional tanba ami iha materia ne’e atu partiera sira iha konsensia hodi fo asistensia durante 24 oras tuir umanu,” dehan Prezidente Asosiasaun Parteira Timor-Leste, Doutora Lidia Gomes, SKM, MPH, foin lalais iha serimonia aniversario APTL iha Edifisio SEJD, Sional, Dili.
Nia dehan, APTL hamutuk ho profesional saúde sira seluk iha komitementu atu fo asistensia ne’ebe ho kualidade ba inan feto sira maibe durante ne’e laiha koperasaun servisu ne’ebe diak entre parteira ho inan sira tanba ne’e ba futuru presiza hametin no habelar diak liu tan relasaun parteira ho inan sira tanba parteira mak belun ne’ebe pronto 24 oras ba inan sira bainhira presiza.
Nia informa, APTL laiha planu atu fo kapasitasaun ba membru sira tanba sira laiha kbi’it maibe sira sei nafatin kopera ho Ministeriu Saúde atu hare ba kestaun ne’e.
Entretantu Inan Feto, Anastacia da Costa S. Amaral katak relasaun entre parteiras ho inan feto sira ne’e importante tebes no ba future presiza hametin diak liu tan, liu-liu iha area rural sira.
“Hau nia observasaun durante ne’e dalabarak pesoal saúde balun hala’o servisu la hare didiak
intendementu ba ita nia inan feto isin rua sira hau hare buat ne’ebe akontese hanesan atu hasa’e nutrisaun oan sira nian maibe dala barak sira enterese individual deit duke publiku,” dehan Inan Amaral.
