Sekretariu Estadu Eletrisidade, Januario Perreira informa katak, oras ne’e dadaun Portu iha Sentral Eletrika Betano provizoriumente remata ona no barikasa sai dala rua ona.
“Portu hotu ona mak barikasa ba ona ga, se la hotu karik barikasa labele ba,e ita fiar metin katak ahi sei lakan,” dehan Sekretariu Estadu Pereira, iha Parlamentu Nasional.
Entretantu Membru Komisaun E Parlamentar, Deputadu Inacio Moreira katak, Komisaun seidauk halo fiskalizasaun ba Sentral Eletrika Betano tomak inklui mos ba portu ne’e.
“Ami hakarak hateten deit katak, konstrusaun ba sentral eletrika foun rua ne’e lolos nia planu tenke iha konstrusaun laran ona,” Deputadu Moreira dehan.
Deputadu ne’e esperansa katak, hafoin remata konstrusaun Portu provizoriu ne’e, konstrusaun ba Sentral Eletrika Betano niian bele hotu lalais no iha kualidade.
Deputadu Moreira dehan, tuir planu konstrusaun ba Sentral Eletrika Betano nian sei remata iha tinan ne’e.
