Tinta iha linha Zebra Cross ne’ebe maka prepara ba ema la’o ain sira atu ultra pasa ba dalan sorin ho seguru, agora dadaun iha fatin balun komesa lakon,e Ministeriu Obras Publiku (MOP) tenke toma atensaun ba kestaun ne’e.
“Presiza tau fali tinta foun no hadia tiha, atu nune’e komunidade sira bele hare no hatene katak iha dalan ne’e iha Zebra Cross no sira ne’ebe maka lori kareta mos wainhira to’o iha Zebra Cross maka iha ema liu, sira bele la’o neneik,” dehan Deputadu Pedro da Costa Martires, iha Parlamentu Nasional.
Tanba ne’e tuir nia, importante tebes ministeriu relevante atu kestaun ne’e, nune’e labele foimpaktu ba ema la’o ain no bele prevene asidente trafiku ne’ebe kada oras bele akontese.
Hatan ba kestaun ne’e, Engineering Estrada MOP, Jose Agusto katak sira sei servisu hamutuk ho Diresaun Nasional Transporte e Terestres (DNTT) hodi hare asuntu ne’e.
“Ami nia dezenu iha ona, ami nia planu ba estrada bo’ot husi rotunda lafatik to’o mai iha Palasio Prezidente nia oin no ba ida ne’ebe maka lakon ona ne’e pur ezemplu iha Eskola Portugues nia oin ne’e lakon ona, ne’e DNTT maka tenke tau fali tanba uluk sira maka halo, mais ami servisu hamutuk,” dehan Engineer Estra ne’e.
Nia hatutan, MOP mos sei hadia SinaisTtranzito sira ne’ebe iha, atu nune’e labele iha faila ruma wainhira kareta ou motor halo movimentu.
“Ami sei tau sinais transito hotu kedas, tanba ita hare sinais transito balun kotu ona, balun monu, ne’e mos ami sei hadia, ” dehan Engineering Agusto.
