Atu kria ambiente ne’ebe moos la’os deit hein husi governu mak atu hamos,maibe ema hotu tenke iha konsiensia rasik oinsa mak bele moris iha ambiente ne’ebe saudavel.
“Governu halo ona nia obrigasaun, e ita nudar sidadaun iha responsabilidade ba ita ida-idak nia bairo ne’ebe ita hela ba, tau lixu iha nia fatin,” dehan Deputadu Cesar Valente de Jesus, foin lalais iha Parlamentu Nasional.
Nia hato’o kestaun ne’e relasiona ho Kapital Dili ne’ebe husi loron ba loron nakonu ho lixu, ema soe foer arbiru deit.
Tanba ne’e nia husu ba sidadaun hotu-hotu atu tau lixu iha fatin lixu nian ne’ebe goernu prepara ona iha kada bairo.“Sidadaun hotu-hotu tenke hatene nia papel nudar sidadaun,”dehan Deputadu ne’e.
Entretantu hatan ba kestaun ne’e Sekretariu Estadu Agua Saneamentu e Urbanizasaun (SEASU), Elias Pereira Moniz katak, atu kontrola saneamentu iha Dili laran, ne’e kompetensiaAdmistrasaun Distritu Dili nian.
“Servisu ida ne’e ami entrega tiha ona ba Admistrador Distritu Dili desde iha Kuatro Governu ne’e,” dehan SE Moniz.
Kona ba fatin lixu balun ema sunu motuk tiha ona, nia dehan responsabilidade Diresaun Nasional Saneamentu nian.
