“Tanba sira periodu dala rua ona iha parlamentu, sira iha osan barak ona,” hateten Deputadu de Jesus, iha Parlamentu Nasional.
Maibe tuir nia, ba Deputadu foun sira la presiza halo deklarasaun ba sira nia riku soin,tanba iha Parlamentu la iha projeitu.
Kona ba Prezidente Parlamentu Nasional ne’ebe deklara nia riku soin ba iha Tribunal Rekursu tanba tuir nia, nia hetan mandatu dala ruaona iha Parlamentu.
“Hau hanoin katak hau pesoalmente hanesan ema politiku,ami so lori deit povu nia lian,povu nia hanoin atu sai povu nia matan tilun para lori fila fali informasaun ba sira,” dehan Deputadu ne’e.
Deputadu ne’e afirma, Membru Governu tenke deklara sira nia riku soin tanba sira mak nudar ezekutador, ka’er no jere osan.
Entretantu Deputadu Paulino Monteiro katak, to’o agora Meja Parlamentu seidauk fo orientasaun ida ba Deputadu sira atu deklara sira nia riku soin.
“Liu husi debate lai mak foin orientasaun ba Deputadu sira deklara nia riku soin,” dehan Deputadu ne’e.
