“Tenke hatama fali foun mai iha meja, meja hatun ba iha plenaria, plenaria depois hatun ba komisaun sira,” dehan Deputadu Estanislao da Silva, (24/09), iha Parlamentu Nasional.
Alende lei Anti Korupsaun, iha mos lei sira seluk hanesan lei rai nian, lei institutu memoria, lei reparasaun ba vitimas 1975-1999 nian no lei sira seluk tan barak mak sei pendente hela iha Parlamentu.
Entretantu Deputadu Mateus de Jesus dehan, ba tinan ida ne’e Parlamentu la konsege ona aprova lei sira ne’e, tanba agora Parlamentu okupa ho diskusaun ba Orsamentu Ratifikativu (OR).
“Debate orsamentu ratifikativu ho ministeriu ida-idak ho durasaun semana ida nia laran, depois tama ba fulan Outubru sei halo plenaria ba orsamentu ratifikativu ne’e,” hateten Deputadu ne’e.
Deputadu ne’e hatutan, hafoin remata Orsamentu Ratifikativu, kontinua kedas ho diskusaun ba rsamentu Jeral du Estadu (OJE) ba ano fiskal 2013 nian.
