“Hau sente orgullhu tebes ho prezensa Grafika Nasional no Printing ne’e tanba bele ajuda ona ami profesores no alunus sira iha prosesu aprendizajen iha nasaun ida ne’e,” apresia Professor husi Eskola Sao Pedro, Sabino Ernesto, foin lalais iha Comoro, Dili.
Tuir nia, durante ne’e Profesor sira desaraska liu kona ba livrus bainhira atu hanorin estudante sira, prosesu aprendizajen la’o ladun diak tanba livrus sira ne’e produs hotu iha rai liur no profesores sira simu tarde.
Entretantu Estudantes husi Eskola Sekundario 10 Dezembru, Alberto Gonsalves ne’ebe partisipa iha serimonia inagurasaun ba Sentru Imprime no AGN ne’e hateten durante ne’e obstaklu bo’ot ne’ebe sira hasoru mak falta livrus, e espera katak iha future setor edukasaun sei sai diak liu tan no ho kualidade.
“Hau husu ba Ministerio Edukasaun atu halo operasaun ne’ebe diak ba sentru ne’e no produs livrus ne’ebe ho kualidade, nune’e profesores sira hanorin ami mos ho kualidade ne’ebe diak tanba livrus importante tebes ba ami nudar estudante,” Estudante Gonsalves esperansa.
Enkuantu Ministru Edukasaun, Bendito Freitas dehan, hahu husi III trimester estudantes sira komesa uza ona livrus ne’ebe governu Timor –Leste produs iha Sentru Imprime Nasional ne’e.
