“Vitima sira ne’ebe mai kanek kma’an sira hetan atendimentu husi Pesoal Saúde sira hanesan suku no seluk sira bele fila maibe sira ne’ebe grave (kanek todan) presiza halo observasaun iha sala emerjensia, laiha mudansa entaun tenke ba baixa iha laran,” informa Xefe Departementu Banku Urgensia, Americo dos Santos, foin lalais iha Bidau Toko Baru, Dili.
Tuir nia, kazu asidente trafiku ne’ebe tama ona iha emerjensia ne’e iha dalan rua deit bele salva ou labele, se grave liu hanesan problema ho ulun fatuk bele mate maibe durante ne’e seidauk ida mak mate.
Entretantu Komadante Polisia Tranzitu, Xefe Antonio Soares hateten durante fulan Julhu to’o Agostu dia 23, sira konsege registu kazu asidente trafiku iha teritorio tomak hamutuk 63 ho tipu kanek ne’ebe la hanesan.
“Sira sofre kanek todan hanesan ulun fatuk ne’e tanba sira ho kondisaun lanu entaun labele kontrola sira nia kareta no halai ho velosidade ne’ebe aas, ba sira ne’ebe kanek kma’an sira ne’e dala barak halai kose ema no kareta seluk, “ dehan Xefe Soares.
