Sekretariu Estadu Joventude e Desportu (SEJD) sei kontinua programa ne’ebe uluk hala’o ona iha mandatu IV Governu Konstitusional, hodi hasa’e kapasidade joventude liu-liu iha area Jornalismu nian iha Distritu 13.
“Aprende kona ba siensia jornalismu la signifika tenke sai jornalista, tanba ita hatene katak media iha Timor sei limitadu, ita prepara stok deit,” hateten Diretor Nasional Joventude, Lamberto Viana, (28/08), iha Sional, Dili.
Enkuantu total joventude ne’ebe tuir ona formasaun jornalismu baziku durante ne’e hamutuk 200 resin, e husi sira ne’e balun sai jornalista iha Media balun iha Timor-Leste.
Iha parte seluk Joventude ne’ebe lakohi fo sai identidade hateten, programa kapsitasaun ne’ebe SEJD fo ba joventude sira ne’e diak maibe seidauk iha planu ne’ebe diak.
“La kopera ho Instituisaun Media sira ne’ebe iha rai laran nune’e bele produs rekursu tuir padraun instituisaun media sira nia nesesidade, e konsekuensia mak ikus mai joventude kapasitadu sira ne’e nafatin dezempregu,” dehan Joventude ne’e.
