Husi akontesementu ne’e Profesor Hilario da C.Sasi hetan tuku maibe la grave tanba intervensaun husi Alunus no Profesores balun ne’ebe la involve iha aktu ne’e.
“Hau la hatene no la hato’o keisa mai edukasaun maibe iha momentu ne’eba ekipa inspesaun ba nivel eskola tekniku nian Mateus Poto halo vizita ami nia eskola hodi husu absensia, nune’e bele foti dadus e hau entrega ba nia, ida ne’e maka sira duun hau maka halo keisa,” hateten Profesor Sasi, (03/09), iha Oe-Cusse.
Problema ne’e akontese tanba husi Inspesaun koa tiha osan metade husi total vensimentu ba Profesores ne’ebe falta no la kumpri oras servisu.
Hafoin akontesementu ne’e Profesor Sasi ba kedas iha Servisu Edukasaun hodi halo mediasaun ba problema ne’e, maibe la konsege tanba Diretor Edukasaun Regional Oé-Cusse, Justino Neno no Xefe Departementu Inspesaun, Daniel Mauno laiha fatin tanba atende hela enkontru iha nasional.
Iha parte seluk Resposavel Eskola Tekniku Profesional, mateus Poto dehan, sira halo servisu bazea ba regras ne’ebe hatur ona iha Komisaun Funsaun Publiku.
“Hau hala’o servissu ne’e tuir lei estatutu Funsaun Publiku, la’os hau tur-tur mehi hodi implementa, sira atu oho hau ka, ne’e hau hala’o servissu,” Responsavel ETP.Poto dehan.
