“Tuir badain sira ne’ebe maka halo ne’e agora dadaun ita bele dehan atinji 50 persen atu remata, e tuir akordu ne’ebe iha sei entrega ba prizaun iha Setembru,” dehan Joaqin Smith nudar Project Officer Caritas, (31/08), iha Prizaun Becora, Dili.
Nia dehan, konstrusaun foin mak atinji 50 pursentu, tanba iha fulan tolu nia laran badain sira la servisu, tanba udan.
Entretantu Deputadu Josefa Alvares Soares dehan, ne’e programa ne’ebe maka diak, e presiza duni nune’e bele promove saida maka prizioneiru sira halo iha prizaun.
“Sira bele tau sasan ne’ebe maka sira halo iha prizaun hanesan suku pasta, halo kadeira, nune’e ema bele hare no sosa wainhira tau iha loza ida,” dehan Deputadu Soares.
Deputada ne’e espera, ho estabelesementu mini loza ne’e bele akumula hotu kreativitas ne’ebe mak maluk prizioneirus sira halo.
