“Ami iha ona planu atu hasa’e nia nivel ba tipu institute ida ne’ebe indepedente hodi jere rasik fasilidade ne’ebe iha, e agora sei hanesan unidade ki’ik ida husi Laboratorio Ospital Nasional entaun iha limitasaun barak atu halo jestaun ba funsaun BNS nian,” dehan Ministru da Saúde, Sergio Lobo, (30/08), hafoin partisipa serimonia hasa’e bandeira ba komemorasaun loron Konsulta Popular, iha Palacio do Governu, Dili.
Maske BSN distribui ona stok ran ba Ospital Referal sira hotu atu ajuda pasiente sira ne’ebe presiza doasaun ran, maibe ema barak mak seidauk sente atendementu BSN durante ne’e tanba frekuensia operasaun inklui numeru reparasoens sei minimu.
Iha parte seluk Prezidente Komisaun F Parlamentar, Deputadu Virgilio da Costa Hornai, konkorda ho planu ida ne’e, nune’e BSN bele fo atendementu ne’ebe diak ho efisien ba komunidade sira.
“Hau hanoin politikamente ita labele halo intervensaun iha ne’eba tanba tama ona iha jestaun internal, mais hau aseita ba planu ida ne’e e hau laiha problema,” dehan Prezidente Komisaun F ne’e.
