“Kilat ne’e ita sosa duni, maibe foin lima maka sira lori mai para ita koko hela, no ami sei kria ekipa ida fali, atu ba Indonezia atu ba tes fali kilat hirak ne’ebe maka iha ne’eba,” hateten Sekretariu Estadu Seguransa (SES),Francisco Guterres, foin lalais iha Dili.
Tuir nia, wa inhira ekipa ne’e tes mak kilat hirak ne’e laiha kualidade, maka Governu sei kansela fali. “Ita presiza duni kilat ne’ebe maka diak nune’e ita bele uza iha tempu naruk,” SE Guterres katak.
Entretantu Deputadu David Diaz katak, ladun iha nesesidade atu PNTL sosa kilat foun ne’ebe ho montante ne’ebe barak.
“Uluk ami dehan labele lai, mais sosa kilat ne’e, lolos ne’e F-FDTL maka sosa kilat karik hau bele fiar,” Deputadu ne’e protes.
Deputadu ne’e espera katak kilat hirak ne’ebe PNTL sosa ne’e iha kualidade, nune’e bele uza iha tempu ne’ebe naruk no labele gasta osan arbiru.
