“Ida ne’e hau husu barak para labele politiza fali, kuandu mandate remata ona tenke entrega ba Parlamentu nune’e fo fali Deputadu foun, ne’e jestaun patrimonial,” hateten Prezidenti Parlamentu Nasional (PPN), Vicente Guteres, foin lalais iha PN.
Prezidente PN ne’e hatutan, iha desizaun Konselhu Admistrasaun iha II Lejislatura ninian desidi ona katak, sira ne’ebe la eleitu tenke hatama fali kareta ba Parlamentu, depois mak halo konkursu.
“Sira hakarak sosa ka lae, se sira lakohi sei fila ba Deputadu sira ne’ebe mak uluk lakohi, sira hakarak kareta ne’e ka lae, se laiha ba funsiunariu sira, se sira lakohi entaun ba publiku,” Prezidente PN ne’e tenik.
Entretantu tuir Deputadu Pedro da Costa katak, iha rezolusaun Parlamentu husi II Lejislatura ninian katak,sei halo lelaun ba kareta sira ne’e.
“Sira Deputadu sira ne’ebe mak uza kareta sira ne’e fo fali osan ba estadu, atu nune’e kareta sira ne’e sira mak uza maibe prosesu ne’e sei la’o hela,” dehan Deputadu da Costa.
Kona ba eis Deputadu sira ne’ebe kontinua uza patrimonia Parlamentu, Deputadu ne’e dehan sira tenke responsabiliza bainhira kareta sira ne’e aat.
