“Jerador ne’e nia fatin la’os hatun iha Dili, tenke ba hatun iha Betano, hau hakarak hateten katak ne’e tanba sira laiha kapasidade atu halo planu,” kestiona Deputadu husi Bankada Fretilin, Inacio Moreira, (21/08), iha PLenaria PN.
Deputadu Moreira mos dehan, Jerador walu ne’e rasik to’o iha Timor durante fulan ida ona, e la hatun lori pasiar to’o fali iha Papua Nugini, maibe hafoin Parlamentu kestiona iha plenaria mak foin lori fali mai hodi hatun deit iha Portu Dili.
Iha fatin hanesan Deputadu Bankada Congresu Nasional Rekonstrusaun de Timor (CNRT), Pedro da Costa Martires iha ninia intervensaun katak, Jerador walu ne’e hatun iha Portu Dili temporariu, tanba konstrusaun ba fatin jerador iha Betano seidauk hotu.
“Nebe Jerador sira ne’e agora hatun iha Dili, e horkalan hau hare,” Deputadu da Costa tenik.
Entretantu Vise Prezidenti Parlamentu Nasional, Deputadu Aderito Hugo dehan, prosesu tomak ba konstrusaun eletrisidade ninian kobertura husi kompania ninian, la’os Estadu no Governu .
“Parte husi planu ne’e mak Sentral Eletrika rua ne’e, ida iha Hera hotu ona, agora iha prosesu Betano ninian para atu kompleta 250 Mega watt,” Vise PN ne’e katak.
