“Hasai zakat fitra ne’e signifika katak, nia selu, la barak maibe obrigatoriu ba komunidade musulmanu tomak la hare ba riku no kiak, kada ema ida hasai osan 3 dolar ou fos kilo ida ho balun iha tinan ida, tenke hasai tanba ne’e doutrina relijiaun Musulmanu nian,” dehan Prezidente Centru da Comunidade Islamica Timor-Leste, Ipolito Soares, (20/08), iha Masjid An’nur Kampo Alor, Dili.
Prezidente CENCISTIL ne’e dehan, zakat ida ne’e s ei fahe fali ba komunidade musulmanu ne’ebe laiha kbi’it ka sira ne’ebe kiak, iha tusan barak no seluk tan, e alende ne’e bele mos fahe ba komunidade non musulmanu hanesan Katolika. “Importante liu mak komunidade musulmanu,”.
Iha parte seluk Komunidade Musulmanu, Jose Angelo Saiful hateten selu zakat hanesan dever ida ba komunidade musulmanu, tanba ida ne’e halo tinan ida dala ida.
“Komunidade musulmanu iha dever ida atu hasai zakat fitra fos kilo rua ho balun ba ema sira ne’ebe kbi’it la’ek la hare husi kiak no riku, hanesan loron ida nia han dala tolu nia tenke hasai fo ba maluk sira ne’ebe loron ida labele han dala tolu, hanesan jiwa sosial ida tanba ne’e ba ami musulmanu ne’e atividade normal,” dehan Komunidade Saiful.
