“Klinika ida ne’e hanesan prepara ba labarik sira ne’ebe emerjensia,” hateten Enfermeira Domingas Soares, (15/08), iha Kafe Aroma Bidau, Dili.
Kona ba aimoruk iha klinika ne’e, Enfermeira ne’e dehan, sira hetan doasaun aimoruk husi Australia no iha tinan ida ne’e sira mos hetan ajuda husi Pesoal ida husi Indonezia ho montante $50.
“Osan ne’e ami uza sosa aimoruk hanesan isin manas, mear no fasilidade seluk ne’ebe klinika ne’e presiza,” Enfermeira ne’e dehan.
Iha parte seluk Vitima ne’e’eb hela iha Uma Mahon Casa Vida, Anarela da Conceicao hateten klinika emerjensia ne’e importante tebes ba sira atu kontrola sira nia kondisaun saúde durante hela iha uma mahon ne’e.
“Hau hanoin importante tebes tanba durante ne’e ami hetan isin manas, mear ami halo konsultasaun deit iha ami nia klinika la presiza la’o dok ,se moras ruma ne’ebe grave ami bele ba iha ospital bo’ot,” dehan residente Conceição.
