“Ita nia nai ulun balun mai husi estranjeiru para hola parte iha ne’e aniversariu ne’e, ne’e duni tenke fo seguransa ne’ebe maka diak, para ema sira ne’e bele senti seguru atu tuir serimonia independensia ba dala 10 ne’e,” hateten Segundu Komandante PNTL, Komisariu Afonso de Jesus, semana kotuk (08/05), iha Kaikoli, Dili.
Komisariu de Jesus husu ba kompontente hotu atu kopera ho polisia hodi kria pas no estabilidade iha aniversariu ne’e.
“Ami sei kordena ho parte hotu-hotu, atu bele fo apoiu seguransa ke diak ba loron ne’e, ami esforsu oinsa bele reforsa ajenti de seguransa hodi garantia duni katak aniversariu restaurasaun ne’e bele la’o ho susesu,” Komisariu de Jesus katak.
Entertantu Membru Komisaun B Parlamentar, Deputadu Paulo Martins, dehan aniversariu ne’e importante, no polisia tenke garante seguransa ba ema hotu.
“Ita iha bainaka mai husi Indonezia, Portugal, no Australia konserteza ita tenki hatudu buat ne’ebe diak, liu-liu maka seguransa ne’e, oinsa para PNTL sira garantia seguransa iha rai laran,” Deputadu Martins katak.
