Kordenador Uma Mahon Casa Vida, Domingas Soares hateten asistensia prioridade ne’ebe mak sira fob a vitima Violasaun Sexual (VS) mak, ajuda sira haluha saida mak akontese ba sira.
“Ami halo hanesan konseling,halo sira halimar hamutuk, hanesan hare televizaun no mos Sabadu no Domingo ami lori sira ba tasi, no mos iha aktividade seluk mak hanesan kursus komputer, Inglesh, halo dosi bolus, no mos arte, ho nune’e sira bele haluha tiha saida maka akuntese ba sira,” hateten Kordenador Soares, semana kotuk (10/04) iha Lecidere, Dili.
Kordenador ne’e hatutan, antes vitima sira (labarik feto) mai iha Casa Vida, vitima sira hetan uluk asistensia husi Pradet, halo ezaminasaun forensic ba vitima sira, e Casa Vida hatutan deit kontinua fo asistensia ba sira.
Enkuantu labarik feto ne’ebe sai vitima husi Violasaun Sexualne’ebe agora iha Uma Mahon Casa Vida, ho idade 3 to’o 18 anos.
Kordenador Soares afirma, total vitima ne’ebe sei hela iha Uma Mahon agora dadauk hamutuk nain hat.
Entretantu Prezidente Grupu Feto Parlamentar Timor-Leste (GMPTL) Josefa Alvares Soares,apresia tebes ho Casa Vida nia servisu hodi fo asistensiaba labarik sira nebe maka hetan violasaun sexual.
“Hau hanoin saida maka caza vida halo ne’e buat ida nebe maka dignifica tebes-tebes. Labarik sira nebe maka hetan tiaona abizu sexsual husi sira nia familia rasik ou husi ema seluk hau nia hanoin katak sira merese mos hetan
protesaun.
Hare katak iha ita nia rain ne’e wainhira cuandu labarik sira nebe maka hetan tia abuzu sexual ne’e sira tau ema ne’e hanesan aparti tiha, tau ses tiha, hanesan ladun fo konsiderasaun antaun hau nia hanoin casa vida halo ne’e diak tebes no umanitariu la halimar,” dehan Prezidente GMPTL Josefa Soares.
Tuir nia,atividade nebe maka Casa Vida halo, atu halakon trauma ne’ebe iha labarik sira nia hanoin.
