“Hau husu labele ameasa tun sae tanba hau mos iha dokumentus barak hanesan mos hau hodi kalan (26/03/2012) hare intervista esklusivu ita nia Prezidenti da Republika nian nebe nia informa katak, nia simu keixa katak militantes kandidatu balun nian ameasa nafatin ema,” Deputado Renan kritika.
Entertantu Deputadu Independenti Mateus de Jesus hateten povu agora dadauk povu senti paniku ho boatus ne’ebe komesa espalha.
“Hanesan mos horbain rua sai iha jornal ida, senhor Lu-Olo husu ona ba Xefe Estadu Maior ninian atu oinsa para bele neutraliza situasaun ida ne’e,” Deputadu ne’e dehan.
Tuir Deputadu de Jesus kandidatu nain rua ne’e la’os ema seluk maibe mesak ema veteranus hotu nebe uluk luta iha ailaran durante tinan 24 tanba povu no nasaun ida ne’e.
Iha sorin seluk,deputadu bankada Fretilin Estanislao da Silva informa katak, kandidatu nain rua ne’e hakarak estabilidade maibe apoiante sira mak dala barak emosiu kria problema iha baje.
“Hau hatene Lu-Olo ho Matan Ruak hakarak estabilidade ba rai ida ne’e, sira nain rua hatudu tiha ona krizi 2006 importante estabilidade nian.”
