“Haksolok tanba eleisaun 2012 la’o ho diak, la’o ho hakmatek,” Deputadu husi Bankada Fretilin Inacio Moreira fo parabens, iha plenaria Parlamentu, semana kotuk,(19/03).
Tuir Deputadu ne’e, katak povu Timor hatudu duni sira nia maturidade, hodi kria pas, hakmatek no estabilidade iha rai laran.
“Povu Timor-leste hatudu buat diak ba ita tomak no mos hatudu ba nasaun sira iha nebe deit,” gava Deputadu ne’e.
Deputadu Moreira dehan, maske seidadaun ida-idak tenke ba vota iha sira nia suku rasik maske hotu-Demokrasia.
“Mais kondisaun nebe Governu prepara la diak, estrada ladiak,transportes mos la iha, e balun triste tanba transportes la iha hodi to’o iha fatin,” Deputadu ne’e informa.
Entertantu Xefi Bankada Partidu Democratiku (PD), Deputadu Adrinano do Nascimento hato’o parabens ba povu Timor laran tomak ne’ebe hatudu ona sira nia matenek, eleisaun jeral lao ho susesu.
“Kapas teb-tebes i ta bele hala’o eleisaun nebe ke diak liu,” Deputadu Nascimento gava.
Xefe Bankada PD ne’e mos hato’o parabens ba kandidatu nain rua nebe mak pasa ba iha eleisaun segunda ronde nian.
“Ami fo parabens ba esforsu sira nebe mak sira hetan, espera katak povu Timor –Leste sei fo votus ba prezidenti ida nebe diak liu ba Timor –Leste,” Deputadu ne’e fo parabens.
Deputadu Nasimentu mos hato’o parabens mos kandidatu sira seluk nebe la hakat ba oin maibe hatudu boa vontade hodi dejenvolve Demokrasia iha Timor-Leste.
Iha fatin hanesan Deputadu Bankada Congresu Nasional Rekonstrusaun Timor (CNRT), Aderito Hugo hato’o parabens ba povu Timor-Leste partisipasaun ba eleisaun prezidensial la’o ho diak.
“Maibe akompania mos observasaun balun ita persija hadia ba future ba proximu Eleisaun ninian,liu-liu konaba perparasaun atu nune’e implementasaun eleisaun la’o diak,” Eis Jornalista senior ne’e dehan.
Maibe Deputadu ne’e, lamenta tanba Poling Staf sira servisu la iha kondisaun, sira servisu dader to’o kalan la iha hahan ruma ba sira atu han.
“Hau observa iha sentru votasaun iha Farol iha situasasun hanesan ne’e duni, kuandu ita foti lamentasoens ne’e prezidenti CNE dehan katak, orsamentu sufsiente para atu fo han ba Polin staf sira,” Deputadu Hugo tenik.
CNE Acta de Apuramento dos Resultados Nacionais
Total de Eleitores Inscritos: 626,503
Total de Eleitores Votante: 489,933
Taxa de Participação: 78.20%
Votos Válidos Expressos: 464,661 94.84%
Votos Válidos em Branco 6,484 1.32%
Votos Nulos 18,788 3.83%
No. Nome do Candidato Total Votos Percentagem
1. Manuel Tilman 7,226 1,56%
2. Taur Matan Ruak 119,462 25.71%
3. Francisco Guterres “Lu-Olo” 133,462 28.75%
4. Francisco Xavier do Amaral Cancelado Cancelado
5. Rogério Tiago de Fátima Lobato 16,219 3.49%
6. Maria do Céu Lopes da Silva 1,843 0.40%
7. Angelita Maria Francisca Pires 1,742 0.37%
8. José Ramos Horta 81,231 17.48%
9. Francisco Gomes 3,531 0.76%
10. José Luis Guterres 9,235 1.99%
11. Abílio da C. Abrantes de Araujo 6,294 1.35%
12. Lucas da Costa 3,862 0.83%
13. Fernando La sama de Araújo 80,381 17.30%
