Diresaun Servisu Agrikultura (DSA) Distritu Oe-Cusse, halo enkontru regular ho instituisaun sira neebe iha ligadus servisu, hodi koalia kona ba seguransa alimentar ba komunidade sira iha Distritu ne’e.
Tuir Sekretariu Komite do Seguransa Alimentar ka Atual Diretor DSA, Jose Oki konsidera enkontru ne’e importante, nune’e bele hatene seguransa aihan ba komunidade sira nian.
‘’Ita hare ba iha sukus, agrikultores barak maka tinan-tinan halo produsaun, maibe suku balun maka nia produsaun ladun diak, tanba ne’e maka ita kria enkontru hodi halibur ideas atu bele traza planu hodi halo plano aksaun,” Diretor Oki hateten.
Diretor Oki informa, katak tinan ne’e Tekniko Seguransa Alimentar no Ekstensionista (PPL) sira sei la’o tuir format foun ne’ebé mak prense ona.
‘’Hau hakarak hateten deit katak, ita nia tekniko sira nebe maka hela ho tos nain sira iha suku 18, sei la’o tuir format foun, tanba produsaun barak tamba ne’e ita tau deit importansia ne’ebé maka ita ministerio perpara ba Ekstensionista sira, ita bolu dehan format monitorizasaun sukus,” Nia katak.
Iha fatin hanesan Prezidente do Komite Segurasna Alimentar no Atual Administrador Distrito Oé-Cusse Josê Tanesib Anunu, senti kontente ho esforsu serbisu agrikoltores no parseirus sira iha tereinu tanba husi tinan ba tinan agrikoltores sira nia produsaun aumenta.
‘’Ba seguransa alimentar maiz u menus iha mudansa pozitivu, kada tinan ho faktus katak komunidade sira la iha preokupasaun ba ai han local maibe hau husu atu tau matan mos ba agrikultores balun ne’ebe sira nia produsaun hare no batar sei menus ‘’ sujere Administrador ne’e.
Nia mos husu ba parseiros serbisu, tantu governo no ONG sira, atu halo monitorizasaun ba komunidade balun ne’ebe sira nia plantasaun tinan ne’e la dun diak tanba kauza husi mudansa klimatika no pesti.
‘’Maske ita nia produsaun iha tinan ne’e diak, maibe persija tau matan ba toos nain sira ne’ebé maka partensi iha tasi ibun sira nia plantasaun kuaze ke ladiak hanesan kauza husi loro manas liu no gafenutu,’’ Administrador Anunu sujere.
Entretantu Armindo dos Santos Reis, nudar partisipante, hateten enkontru ne’e importante tanba bele update informasaun kona ba progresu seguransa alimentar tamba iha ikus-ikus ne’e grupu parseiros barak maka mosu ho misaun ne’ebé la klaru.
‘’Hau hakarak levanta ba meja relasiona ho grupu barak maka moris iha treino ho objektivo atu tulun povu maibe sira nia misaun ne’e la kalru,hare ba estrutura ema barak meska familia deit no ema ida maka halao serbissu entaun persija hare liu husi enkontru ida ohin ne’e,’’ Reis dehan.
