Tuir Ofisial Dezenvolvimentu husi Sub-distritu Vera Cruz hateten, fos nebe mak sira fahe ba ema vulneravel sira iha Sub-distritu ne’e, fos ne’e mai husi Ministeriu Solidariedade Sosial nebe mak fo ajuda ba ema vulneravel sira hamutuk 3200.
“Fos ne’e ami fahe ba grupu nebe mak vulneravel iha Sub-distritu Vera Cruz nia laran,”hateten Manuel Gusmao,Ofisial Dezenvolvimentu iha Sede Sub-distritu Vera Cruz, semana kotuk (14/03) iha Dili.
Ofisial Gusmao dehan, fos ne’e mai husi Ministeriu Solidariedade Sosial (MSS) hodi fahe ba ema nebe faluk, kiak, moras alezadu no mos ba sira ne’ebe moras kronika.
“Ami Sub-distritu Vera Cruz hamutuk Suku hitu, Suku rua ami fahe ona horseik ; hanesan Suku Lahane Osidental ho Motael, ohin ami distribui fali ba Suku Vila Verde ho Mascarenhas aban ami mos distribui tan ba suku Motahel ,Suku Kolmera,Suku Kaikoli ho Suku Dare,” Ofisial Gusma esplika.
Tuir nia katak, Governu nia planu tinan –tinan halo distribuisaun fos ba ema vulneravel sira maibe iha 2011 nian la konsege fahe iha tinan ida ne’e mak foin fahe.
Entertantu Jacinta Soares hanesan benfisiariu husi Suku Vila Verde, Aldeia Terus Na’in, senti kontenti tanba Governu fo ona rekoinesementu ba sira hodi simu fos .
“Ami konteti ona tanba Governu fahe ona fos ba ami vulneravel sira atu halo viva-viva,”dehan Komunidade Soares.
Nia sujere ba iha Governu atu kontinua fahe fos ba sira iha tinan-tinan atu nune’e sira nebe la iha kapasidade atu hola fos saku ida para sira bele sustenta ba sira nia familia uma laran.
“Ami Vulneravel nia hakarak mak Governu tenki taumatan ba ami vulnerrval sira nebe mak la iha kbit atu sosa fos saku ida”komunidade sujere.
Iha fatin hanesan Marcos de Jesus nudar Juventude hatun fos hodi fahe ba ema Vulneravel sira ne’e hateten,nia senti kontenti tebes ,tanba Governu taumatan ona ba povu sira nebe mak kbit laek sira nebe la iha kapasidade atu sosa fos.
“Ami hakarak Governu tenki kontinua fo suporta fos saku ida ba sira atu nune’e sira mos bele sustenta ba sira nia familia sira”Juventude de Jesus dehan,
Nia dehan,senti kontenti apoiu ida ne’e tanba agora dadauk fos fa’an iha Loja no Merkadu nia folin sae makas fo disfikulta ba ema vulneravel sira la iha kapasidade atu sosa Fos saku ida.
“Agora ema riku deit atu sosa fos ida iha Merkadu nia dada I’is tiha ona satan ema vulneravel sira “Juventude ne’e dehan.
