Tuir Deputadu Natalino dos Santos, katak Lei Kodigu Laboral aprova ona iha Parlamentu Nasional no Prezidente da Republika promulga tiha ona maibe governu seidauk implementa.
“Sira hasoru hau, sira koalia katak sira to’o agora simu nafatin US$ 85 e sira ne’ebé foti sasan todan hanesan foti sementi no besi, mos manan hanesan deit,” levanta Deputadu dos Santos, iha plenaria Parlamentu, semana kotuk, (12/03).
Deputadu husi Bankada Congresu Nasional Rekonstrusaun de Timor (CNRT) ne’e dehan, ida ne’e preokupasaun ne’ebe bo’ot tebes no presiza hetan atensaun husi estadu.
“Sira husu para oinsa atu hare asuntu ida ne’e, liu-liu hau hakarak bolu atensaun ba KSTL atu bele hare tratamentu e bele fo advise diak ba trabalhador sira ne’e,” Deputadu dos Santos sujere.
