“Kalan-kalan halo operasional cek point no parazen estrade hodi evita movement ne’ebé maka uza sasan kroat, maibe ami nia esforsu ida ne’e balu aproveita oportunidade ida ne’e halo krimi maibe krimi ne’ebé maka kategoria krimi normal iha ita nia nasaun ne’e,” hateten Komandante Monteiro semana kotuk (09/03) iha Kaikoli, Dili.
Komandante Monteiro hatutan, kona ba fatin ne’ebé risku ba konflitu, husi Polisia Operasional monta ona Postu Polisia, nune’e bainhira mosu situasaun ne’ebé ladiak, polisia atua kedas.
Iha lidun seluk tuir membru Parlamentu Nasional, Deputadu Francisco Branco, Polisia tenke hatudu sira nia prezensa iha komunidade nia le’et, liu-liu iha tempu ne’ebe difisil mosu konflitu ruma.
”Hau hanesan reprezentante povu iha Parlamentu preokupa ho seguransa povu nian hau hanoin tempu ida ne’e, liu-liu prezensa polisia nian iha komunidade nia le’et, presiza hatudu liu, e ita mos tenke tau fiar ba ita nia forsa seguransa,” Deputadu Branco sujere.
Tuir Deputadu husi Bankada Fretilin ne’e, importante duni atu polisia monta postu polisia nian iha fatin hirak ne’ebé risku ba konflitu, nune’e bele responde ba situasaun ne’ebé mak fo ameasa ba estabilidade nasaun nian.
