“Fo asesmentu ka fo konesementu ba inan feto sira iha eskola, iha organizasaun sira hotu no area saida deit atu feto mos bele partisipa iha prosesu dezenvolvementu nasaun nian, numeru feto tenke aumenta bebeik,” hateten Diretor Jeral Sekretaria Estadu Promosaun Igualidade (SEPI) Thomas da Silva, semana kotuk (07/03) bainhira partisipa iha seminariu kona ba loron mundial feto, iha Salaun Delta Nova, Comoro, Dili.
Diretor ne’e hatutan, SEPI liu husi sira nia programa halo ona assessment iha area agrikultura, ho objetivu oinsa mak feto bele partisipa iha vida agrikultura.
Iha biban hanesan Diretora Rede Feto (RF) Jasinta Luzinha,hateten atu involvement feto iha area hotu ho diak liu tan presiza enkoraza no mos tenke iha konsiensia rasik.
”Primeiru oinsa mak ita bele fasilita feto sira, no komesa kuda hanoin oinsa feto sira atu bele ho konsiensia rasik hodi bele partisipa iha parte hotu-hotu. Enkoraza sira hodi servisu hamutuk hanesan parseiru ida, ne’e hanesan papel ida nebe ami no SEPI halo,” dehan Diretora Luzinha.
Diretora ne’e hatutan, durante tinan hirak nia laran, SEPI halo ona esforsu barak oinsa mak atu promove igualide entre feto ho mane, liu-liu iha parte politika nian.
