Faluk no Oan Kiak husi Falintil lamenta tebes ba Partidu Politiku sira iha asentu Parlamentu Nasional tanba la partisipa iha sira nia primeiru kongresu nebe hala’o iha Fundasaun Veteranus Taibesi.
“Partidu Politiku sira asentu Parlamentu, lolos mai koalia iha primeiru kongresu ne’e maibe relaidade sira la mai e ami lamenta tebes,” lamenta Kordenador FOK-FALINTIL Natalino de Jesus Gusmao Soares,emana kotuk (16/02) iha Fundasaun Taibesi,Dili.
Tuir nia, lider Partidus Politiku ne’ebe partisipa iha kongresu FOK-FALINTIL ne’e mak partidu Fretilin no Uniaun Demokratiku de Timor (UDT).
Maske nune’e kongresu FOK-FALINTIL ne’e la’o ho susesu no la’o tuir duni ajenda ne’ebe iha. “Hau hato’o hau nia parabens ba kongresista sira e apoiantes sira no simpatizantes sira hodi kongresu ne’e la’o susesu no diak no la’o tuir ajenda hodi hamosu estatuta FOK-FALINTIL,” nia katak.
Entertantu Ivana Belo, Sekretaria Komisaun Organizadora kongresu FOK-FALINTIL hateten maske partidu sira barak la mai partisipa ba kongresu ne’e maibe nia senti kontenti tebes tanba partisipante sira marka prejensa masimu tebes.
“Kongresu ida ne’e ami bele dehan susesu tanba ami konsege halibur ema sira nebe mai husi partidu oi-oin nebe sai hanesan ba Faluk no oan kiak ba FALINTIL tanba FALINTIL ne’e laos ema Fretilin deit mak FALINTIL maibe ema UDT, APODETI mos Faluk no oan kiak ba FALINTIL”dehan sekretaria Belo.
Nia senti triste tanba kleur ona ema la hanoin hodi taumatan ba Faluk no oan Kiak.
“To’o ikus ami konsege ami nia objetivu nebe ami hari duni Asosiasaun ba Faluk no oan kiak FALINTIL atu taumatan lolos ba Faluk oan kiak sira iha Timorm laran tomak”
Belo dehan, maske Faluk no Oan Kiak sira nebe mak namkari iha distritu sira balun lahatene maibe liu husi informasaun husi Media sira bele hatene.
“Sira nia delegadu sira nebe sai hanesan utusan ba kongresu ne’e,sira ne’e duni mak sei hato’o informasaun ba sira”
Ivana dehan,iha tempu badak sira sei kria ejekutivu ida atu tun ba distritu hotu hodi rekolia dadaus ba Faluk noa oan kiak sira i no mos sei hato’o informasaun.
“Hau hanoin meus importante mak liu husi komunikasaun liu-liu Radio nebe nia Frekuensia nebe mak bot bele kobre hotu ba Faluk no oan kiak sira hela ba”Ivana tenik.
Iha fatin hanesan,Alfredo Ijac nudar Tejoreiru ba FOK FALINTIL hateten, maske orsamentu kik oan maibe konsege realiza kongresu ne’e la’o susesu.
