Staf Senior Traffic Light Diresaun Nasional Transporte e Terestres (DNTT) Joao Eugenio C. da Silva hateten Forsa Seguransa Internasional (FSI) husi Australia ne’ebe durante ne’e okupa terminal Tasitolu agora hamamuk tiha fatin ne’eba maibe seidauk entrega ba iha Ministeriu kompetente.
“Hau ho hau nia doutor ba hare tiha e sira halo mamuk tiha terminal ne’e iha 02 Fevereiru foin lalais ne’e maibe seidauk entrega baa mi,” hateten Staf da Silva semana kotuk (17/02) iha Balide Dili.
Tuir nia, maske FSI hamamuk tiha fatin ne’e maibe sira kontinua fo seguransa ba fatin ne’eba e iha tempu badak terminal ne’e bele utiliza fali ba kareta, bis sira atu para iha ne’eba.
“Ami koalia ona ba ami nia Diretor para koalia ho ami ni ministeriu para intrega , nune’e taxi, microlet ho bis Maliana nian tama fali iha terminal ne’e,” nia tenik.
Entertantu Deputadu Agosto Tara sujere ba governu atu oinsa mak bele buka fatin hodi FSI sir abele hela tanba eleisaun jeral besik ona.
“Ita presiza sira nia tulun, liu-liu fo seguransa ba iha eleisaun Prezidensial nian tanba ne’e govenru tenke buka fatin ne’ebe diak ba sira,” nia sujere.
Nia rekonese katak, fatin ne’eba uza ba terminal bis ba Maliana nian.
