Biliar nain Alarico De Sousa Freitas, semana kotuk (13/02) iha nia hela fatin Palaban, Sucu Costa, Distritu Oe-cusse, hateten katak nia sinti la satisfeitu ho dezisaun husi governo liu husi PNTL atu taka aktividade biliar.
“Ita nia distritu ne’e la iha konflitu ruma ne’ebé kauza husi jogus biliar tamba ne’e la presiza atu taka. Nusa maka iha distritu seluk, li-liu Kapital Dili Biliar, Bingo, Kuru-kuru, Manufutu la taka. Ita Oé-Cusse koalker jogus taka ne’e oinsa los. La justu ida,” Biliar nain Freitas dehan.
Nia hatutan katak aktivdade biliar ne’e kontribui hodi halakon hanoin barak ka stress ba Joven sira maka la aksesu servisu no halo animasaun ba sira ne’ebe maka servisu isin moras bele refresh liu husi jogus biliar.
Hatan ba kestaun ne’e Komandante Ajuntu PNTL Distritu Oé-Cusse, Asistente Superintendente Albino Mouzinho katak sira nia parte foti desizaun ne’e bazeia ba Despaixu Ministerial 15/MAEOT DNAEL 2011 no la os PNTL mak desidi rasik.
“Ami halo operasaun ne’e halao tuir despaisu ne’ebé iha, laos ami tur serbisu la iha maka halao. Ne’ebe ita Oé-Cusse laos nasaun ida ka partense rai seluk ne’e automatikamente tenke kumpri,” Assistente Superintendente Mouzinho dehan.
