Diretur Dili Instute of Tekniklogy (DIT) Oe-cusse Region, João Muni, foin lalais (26/01) iha nia knar fatin, Palaban, Oe-cusse hateten 2012 sei simu estudantes hamututk 75 atu tama ba fakuldade hat (4): Jestaun Publika (fatin 25), Kebijakan Publika (25), Siensias Informatika (15); no AgroBisnis (10).
“Maibe hau hanoin ida ne’e mos naton tanba tuir klase normal katak numeru estudantes sira ne’ebe tama iha ne’e prense ona fatin tanba tuir target ne’ebe iha tenke 25-30 ba aula ida. Kandidatus estudantes hirak ne’e barak liu mai husi estudantes foin remata [Edukasaun Sekundario] iha tinan 2011, no sira balun remata iha tinan hirak liuba maka agora foin kontinua sira nia estudu,” Diretor Muni hateten.
Directur Muni hateten tan katak maske unversidade rua maka ezisti tiha ona iha Enklave Oe-cusse maibe hare’e katak numeru atu asesu ba kontinua iha nivel ensinu superior menus tanba deit situasaun ekonomia no razaun seluk tan.
“Tuir hau nia hare’e ba estudantes sira ne’ebe la kontinua ba Ensinu Superior karik tan deit kondisaun ekonomia maka sai difikulta ouitoan no iha parte balun tan deit iha tinan ida ne’e husi Oe-cusse hetan opotunidade barak maka tama iha Universidade Nacional Timor Lorosa’e (UNTL),” haktuir tan Diretor Muni.
Iha parte seluk Xefi Komisaun OSPEK (Orienetasi Pengenalan Campus) 2012, Teotonio Tolan, hateten programa servisu orientasi sei hahu iha loron 23 fulan Janeiru tuir planu ne’ebe iha.
Iha oportunidade idane’e mos fo espasu ba kandidatu sira ne’e atu kompleta sira nia atributu no mos administrasaun iha parte ida mos fo tempu ba sira ne’ebe hakarak tau naran liu-liu ba sira ne’ebe remata tiha ona iha tinan hirak liuba maibe agora atu kontinua iha ensinu superior.
Iha parte seluk Emanuel Nece nudar kandidatus estudante universitario Ospec 2012 sente kontenti no agradese tanba liu husi prosesu orientasaun ne’e maka bele konhese liutan ambiente eskola liu-liu iha DIT Oe-cusse.
“Hau hanoin Orientasi ne’e hanesan prosesu atu konhese malu ba ambinte iha kampus laran ba programas estudu sira ne’ebe ita se’I hetan durante iha institute nia laran.”
Nia aumenta katak prosesu OSPEC ne’e normal no lao ho maneira oi-in bele liu husi fisiku no mental fisiku maka hanesan servisu no oinsa atu haburas ambiente hanesan kuda ai-oan no bina mental koko ita oinsa atu koalia.
Area servisu OSPEK maka hanesan iha kampus laran iha fatin publiku maka hanesan Iha Mercado Numbei iha Igreja no Kampu Basket Kapital Oe-cusse. Total ai-oan 240 ne’e hetan apoiu husi Caritas Oe-cusse fatin hodi kuda ai-oan sira ne’e maka hanesan iha area Mercado no iha area Campus DIT Oe-cusse laran.
