Directora hosi Working Women Center Timor-Leste (WWCTL) Jessica Sequeira hateten kata iha Tinan 2012 WWCTL sei halo treinamentu ba maluk Feto Trabalhadores sira.
“Ami atu fo treinamnetu ba sira, tanba ami nia Programa awal ami halo assessment iha distritu lima para hetan dadus. Ami fo
treinamentu ne’ebe maka sira presiza pur ezemplu domestic wokers hakarak treino kona ba tein entaun ami tenki fo treinamentu ne’e, no mos focus ba saida mak sira presiza nomos fo kunhesementu kona ba Lei Trabalhadores atu nune’e sira mos bele hatene kona ba sira nia direitu,” dehan Directora WWCTL Sequera (19/1) iha nia Knar fatin.
Tuir dadaus husi pontus fokal ne’ebe maka akumula husi distritu lima (Oe-cussi, Ermera, Lospalos, Baucau ho Dili), objective husi Treinamentu ne’e atu nune fo kunhesementu ba maluk Feto Trabhalhadores kona ba Lei Trabalhadores nomos oinsa para sira bele hatene kona ba sira nia direitu.
Directora Sequeira mos hatutan katak WWCTL seidauk atende ba kazu ruma involve feto nia direitu tanba WWCTL nudar organizasaun ne’ebe Foun nune duni planu agora sei fo deit treinamentu ba feto trabalhadores sira tuir dadus ne’ebe maka WWCTL simu husi pontus fokal WWCTL iha distritu lima.
Entretantu Ricar Pascuela, Ofisial Advocasia WWCTL hateten mos katak planu ba organizasaun ne’e mak ba oin suporta hadia kondisaun moris no mos kondisaun servisu ba feto iha rai laran liu liu ba servisu nain domestika.
“Tanba barak liu agora Domestic Workers estatus seidauk los, surat kontrak seidauk iha, oras servisu laiha, sira nia salariu mos minimu,” dehan Ofisial Advocasia Pascuela.
Nia mos hatutan katak hare ba kondisaun ne’e husi WWCTL nia planu ba oin atu hadia diffuldades nebe mak Maluk Feto sira hasoru iha Baze, oinsa sira bele hetan sira nia direitu.
