Tuir Silvia Dulce do Santos nudar responsavel ba Programa Saude Mental PRADET haktuir katak planu ne’ebe mak trasa ba tinan 2012 ne’e maka atu kria Sentru Rahabilitasaun.
“Planu 2012 ba oin maka atu Kria Sentru Rehabilitasaun ida ne’ebe iha fatin ida ne’e duni. Agora dadaun sira buka hela osan atu oinsa mak halo uma ida ne’e andar. Ita hare iha leten sei iha fati atu bele hari’I fali uma ida entaun nia leten ami sei uza hanesan Office PRADET no iha kraik ne’e atu uza hanesan uma ba rehabilitasaun ba maluk feto sira nebe maka Moras Mental” dehan Responsavel dos Santos, semana kotuk (23/1) iha nia knar fatin, Dili.
Nia haktuir tan katak klientes ne’ebe maka hetan ona suksesu husi tratamentu nune katak vitima iha tempu ne’e mental komesa diak ona, kolia komesa rona ona no bele halo ona buat ruma mesak.
Objective husi harii Sentru Rehabilitasaun atu nune’e bele koko hadia fila fali Vitima ninian kakutak atu fila fali ba normal.
Entertantu Lucia Marsal Nudar Coordinador Uma Hakmatek PRADET dehan katak planu atu harii Sentru Rehabilitasaun ne’e maid uni hosi Doadores no PRADET nina bazeia ba assessment ida.
“Ida ne’e mos planu ona iha ona prosesu katak iha ona assessment husi donor ho PRADET rasik entaun iha programa ida atu kria Fatin Rehabilitasaun ba ema Mental sira ne’e,” hateten Cordenadora Marsal.
