Tuir Deputada Maria Exposto katak maske edifisiu Kamara Munisipiu (KM) iha Distritu 4 ne’e balun prontu ona maibe tinan ne’e seidauk bele implementa tanba lei KM rasik seidauk halo debate iha PN.
“To’o agora seidauk iha preparasaun ba munisipiu, talves 2013 to’o 2014 foin mak ita tama ba preparasaun ba eleisaun Kamara Municipiu,”hateten Deputada Maria Exposto ,semana kotuk,(17/01).
Tuir nia,lei KM oras ne’e dadauk sei iha komisaun A e seidauk tau ajenda halo debate iha Parlamentu.
“Prezidenti rasik hateten katak,ita nia kondisoens deit insufisiente para ita atu tama ba kamara municipal,”nia katak.
Exposto afirma, wainhira atu tama ba implementasaun kamara municipail,tenki prepara orgaun lejislative no orgaun ezekutivu ninian.
Iha fatin hanesan Deputadu Pedro da Costa hateten, Governu ida ne’e lakonsege oona implementa KM tanba tempu la permiti ona karik sei implementa iha governu foun.
“Ita fo lai ba timor oan hotu-hotu prepara an, prepara rekursu humanus,” nia dehan.
Tuir nia,Distritu 4 ne’ebe hetan uluk oportunidade atu estabelese KM mak Distritu Baucau, Distritu Bobonaro, Distritu Oe-Cusse no Distritu Dili.
“Desentralizasaun bu¬at nebe impor¬tante ba ita,hakarak desentralijasaun pa¬ra hotu –hotu bele senti dejenvolvimentu “Pedro tenik.
Entertantu Deputadu hu¬si ban¬kada opozisaun Fre¬tilin,Inacio Moreira hateten, kamara municipiu sidauk bele implementa tanba falta de planu no programas nebe diak.
“Sira halo desizaun ne’e dalaruma sira tur-tur halo desizaun,”Inacio dehan.
Tuir Moreira, lolos governu ida ne’e implementa KM iha 2009 to’o 2010 maibe to’o agora laiha rezultadu.
“Agora hau nia preokupasaun mak ne’e, edifisiu Kamara Munisipiu sira ne’ebe prontu ona ne’e,atu uza fali ba saida,” Moreira kestiona.
