Atu hasae liu tan kapasitasaun no konesementu feto maluk sira,liu-liu sira ne’ebe compete iha eleisaun agora,Sekretaria Estadu Promosaun Igualidade(SEPI) sei fo formasaun ba sira antes tama ba eleisaun.
“SEPI la servisu mesak, ami sei servisu hamutuk ho liu-liu husi ami nia departementu ligasaun maka sei hamutuk ho institusoens relevante hanesan ami nia parseiru atu fo formasaun ba feto sira nebe atu kompete an iha elisaun ba 2012,” hateten Maria Filomena Babo Martins, Xefe Departementu Formasaun e Educasaun, semana kotuk (11/01) iha nia knar fatin, Palasiu Governu.
Tuir nia, SEPI servisu hamutuk ho parseirus nasional no internasional inklui UN women, atui oinsa mak bele fo formasaun ba feto maluk sira ne’e.
Entertantu Deputada Josefa Alves Soares, Presidante Grupu Feto Parlamentu Timor-Leste (GMPTL) dehan GMPTL halo koperasaun ho sosiedade sivil no organizasoens sira halo ona seminariu no knferensia barak atu oinsa mak bele kapasita feto kompetiais sira bele compete iha vida politika.
Tuir nia, oras ne’e dadaun, GMPTL fo uluk formasaun, kapasitasaun ba maluk sira nebe mak iha potensial atu compete iha elisaun, wainhira kuandu elisaun remata husi GMPTL sei kontinua fo nafatin kapasitasaun , formasaun no konhesementu nebe GMPTL iha ba maluk feto potensial sira, atu nune’e aktividade nebe halo’o ne’e tenki kontinua ba bebeik labele deit hotu iha elisaun deit.
