Tuir Segundo Komandante Polisia Nasional Timor-Leste (PNTL), Superintendente Afonso de Jesus, papel polisia komunitaria iha rai laran importante tebes atu garante paz no estabilidade iha rai laran.
No tanba ne’e PNTL monta ona postu Polisia Komunitaria atus ida resin iha fatin-fatin iha territoriu laran tomak.
“Au hatudu katak sira halao sira nia kna’ar hanesan polisia komunitaria. Ida ne’e polisia sira lor-loron halao iha teritorio laran tomak,” hateten Segundo Komandante de Jesus, iha PNTL Kuartel Jeral, iha Kaikoli, Dili, semana (06/1).
Tuir Segundo Komandante de Jesus katak maske falta de apoio no meius seluk hatu polisia komunitaria atu halao sira nia servisur sira tenta esforsu a’an no haka’as a’an halonusa mak atu bele halao sira nia servisu iha komunidade leet.
“Bainhira ita hare polisia sira halo patrulha ba iha fatin ruma, suku ruma, ne’e laos sira halo patrulha deit maibe sira halao sira nia knar nudar polisia komunitaria. Sira ba husu ba komunidade sira kona ba situasaun, kondisaun sira nian lao diak ka lae, keta iha problema ruma. Ida ne’e mak polisia komunitaria nia servisu hanesan investigador. Sira bele buka informasaun,” haktuir tan Segundo Komandante de Jesus.
Iha parte seluk Membru Parlamentu Nasional, Deputado Jose Teixeira, hateten katak polisia komunitaria presiza hari’e tan postu iha bairo, no aldeia liu liu bainhira UNMIT nia misaun remata iha 2012 nia laran.
“Servisu hamutuk ho komunidade identifika sira ne’ebe nakar no servisu ho sira iha komunidade ne’ebe autoridade lokais ho komunidade,” hateten Deputado Teixeira.
Kona ba kestao atu hari’i postu iha Bairo no Aldeia, Segundo Komandante de Jesus hateten katak ida ne’e depende ba rekursus disponivel.
“Fatin balun identifika kritiku, fatin balun la dun kritiko patrulha deit tamba falta apoio logistika la dun fornese diak ba sira [polisia komunitaria].”
Nia fiarkatak intermus Polisi Komunitario nia servisu maske ho rekursus limitadu lao normal hela iha baze.
