“Hau hare Sr. Deputadu independent nia iha ne’e ativu tebe-tebes iha parlamentu nia fo nia kontribuisaun tomak ba parlamentu ne’e,” hateten Deputadu Agostu Tara, PSD, iha plenaria PN, semana kotuk (13/12).
Deputado Tara hateten Deputadu Mateus atu halo tratamentu saude ba iha estranjeiru maibe orsamentu la iha atu desloka.
“Tanba ne’e mak hau husu parlamentu ne’e tuir hau rona dehan osan husi bens no servisu nian 3 Miloens la halo buat ida I neba sei fila fali ba banku. Hau hanoin bele karik parlamentu ne’e rezolve tok, bele hasai osan ida ne’e para bele nia halo tratamentu nia saude iha liur atu nune’e nia bele rekopera fila fali nia saude,” hakuir Deputadu Tara.
Entertantu Prezidenti Parlamentu Nasional, Fernando Lasama de Araujo, informa katak sekretariaduu parlamentu horas ne’e dadauk trata hela para Deputadu Mateus hodi kontiuna halao tratamentu nia saude.
“Sekretariadu Parlamentu ninian trata hela para Sr. Deputadu Mateus ba halo tratamentu kontinua ba China ka tratamentu iha Singapura,” hateten Presizent NP Lasama.
