Tinan-Tinan nudar ema Kristaun sempre selebra Loron Natal iha 25 desemru No Tinan Foun iha dia 31 Dezembru, tamba iha loron ne’e ema Kristaun tenki prepara aan atu simu Nai’i Jesus Kristu iha sira nia Vida Moris.
Iha Timor-Leste feto maluk sira mos prepara sira nia aan atu komemora loron sagradu rua ne’e.
“Hau nudar inan klaru hau iha oan sira ne’ebe mak husu ona roupa foun tama iha fulan Dezembru,” dehan Deputada Geltrudis, PD, iha Parlamentu Nasional, Dili, semana kotuk, (12/15).
Deputada Moniz hatutan tan katak mesmu durante ne’e nia prioridade liu nia servisu maibe nia mos tenki pasa tempu para bele hare ba oan sira nia persija.
“Problema maka ami sai servisu seis (6) oras loja sira taka ona enntau ne’e ami nia oan sira husu ona Mae bainhira mak hola ami nia ropa, nebe hau sei pasa tempu ba ida ne’e,” hateten Deputada Monis.
Iha oporunidade hanesan Deputada Benvinda Rodrigues mos hato’o nia perparasaun atu komemora loron Natal nomos Tinan Foun tuir mai.
“Kona ba perpasaun Natal, primeiru lugar hau nudar feto ne’ebe maka reprezenta mos husi ita nia feto maluk sira iha Parlamentu, hau hakarak hatete ba kolega feto maluk sira katak iha tempu Natal ba tinan ida ne’e hau kontenti tebes atu simu Natal no Tinan Foun ida ne’e, maibe hau mos lahaluha katak fo mos hau nia domin dame ba hau nia feto maluk sira,” katak Deputada Rodrigues.
Nia mos dehan tan katak, durante diskusaun Parlamentu nebe kadaves sira koalia la kona ba maluk sira, nia laran liu-liu ba feto maluk sira, nia fo apelo atu fo liman ba malu no mos kria dame no pas iha ita laran atu hasoru loron Natal nomos Tinan Foun.
No tuir nia nudar inan ida nia mos iha preparasaun liu-liu ba nia oan sira atu kontribui ba oan sira nia persija atu hasoru loron Natal. “Ne’e hanesan hau nia abitua ida, katak tinan-tinan hau tenki hola buat foun ida ba sira hanesan sosa sira nia ropa foun, sosa sapatu foun, sosa pulseira, sosa panchon atu fo haksolok ba sira.”
Iha biban seluk Geomar Jeami nudar komonidade ida nebe hela iha parte Surikmas mos hato’o nia perparasaun atu hasoru Loron Natal nomos loron Ano Novu.
“Hau nia perparasaun kona ba Natal nian hau tenki hola saida mak hau nia presiza nomos hau nia oan nia presiza nomos hau nia laen nia presiza. Buat hotu tenki foun tanba ita tenki husik buat nebe mak tuan iha tinan foun 2012 mai ne’e,” hateten komunidade feto Jeami.
Nia mos dehan tan katak, planu futuru mai tenki hadia moris diak liu tan husi tinan ida ne’e.
