Iha loron 9 Dezembru nasoensn hotu-hotu komemora Loron Anti Korupsaun atu fo hanoin ba lideres politikus nebe kaer sira nia Nasaun atu bele hases aan husi hahalok korrupsaun ne’ebe sei fo impaktu ne’ebe negativu ba povu nia moris.
Timor-Leste mos komemora Loron Mundial Anti Korupsaun ba dala rua liu hosi seminariu iha Tema Hau Halo Ona Saida ba Prevende No Kombate Korupsaun ne’ebe realiza iha loron 9 Dezembru iha Sentru Konvensoens Dili.
“Iha komemorasaun ida ne’e ita atu kontekstualiza ita nia kondisaun ba prevene no kombate korupsaun ne’e to’o iha ne’ebe. Komisaun [KAK] ejiste los-los ne’e iha tinan ida fulan sia ona mas problema korupsaun laos foun mak ita koalia wainhira komisaun mosu,” katak Jose Antonio de Jesus Das Neves, nudar Komisariu Adjuntu Educasaun Peskija, KAK, iha semana kotuk (9/12), iha Sentru Konvensoens Dili.
Nia haklean liu tan katak problema korupsaun nia todan ne’e boot liu mak Komisaun Anti Korrupsaun (KAK) nia kapasidade mak oras ne’e foin mak hari’i hela, maske iha servisu lubuk ida maka KAK halo ona.
Iha oportunidade hanesan Rozinho Da Crus nudar partisipantes ba seminariu ne’e hateten katak seminariu ne’e importante atu konsientiza ema invidiual no kolektivu atu bele hadook aan hosi hahalo korrupsaun.
“Korupsaun ne’e buat ne’ebe ladiak nomos hahalok nebe ke krimi nune’e duni tengki orgulho tamba ho aktividade seminariu ida ne’e populasaun bele hatene nomos bele hadok an husi attitude korupsaun.
